Potensia agrikultura iha Repúblika Demokrátika Timor-Leste (RDTL) hatudu ona iha ninia realidade. Faktus mak, povo rai ida ne’e nunka infrenta hamlaha. Sira ne’ebé laiha hahan liga ba kestaun baruk ten no dependensia.
Entaun, atu reforsa povo agrikultór sira iha baze, governu liu-hosi ministériu agrikultura no peskas assume responsabilidade importante atu apoiu.
Ho responsabilidade ne’e, eis ministru Mariano Assanami Sabino, desde governasaun Aliansi Maioritaria Parlamentar to’o Bloku Koligasaun hamosu polítika fahe tratór, fini nomos rekruta extensionista sira hodi apoiu povo no grupu agrikultór sira. Mais to’o ‘mandatu’ remata, povo agrikultór la-sente ninia benefisiu.
A’at liu mak estadu ida ne’e kontinua hasa’e numeru importasaun foos mai Timor-Leste ho razaun produtu agrikultura rai-laran la-sufisiente.
Hirak ne’e hotu ninia hun mai hosi irregularidade ne’ebé komete hosi superior nain hitu (relatoriu auditoria tribunál kontas) ne’ebé hetan ona suspensaun hosi Komisaun Funsaun Públiku.
Hadi’a hikas erru ne’ebé akontese ona, ministru estadu, koordenadór ba asuntu ekonomia no ministru agrikultura no peskas, hamutuk ho Komisaun Funsaun Públiku fó tomada de posse ba strutura foun ministériu agrikultura.
Sira ne’ebé simu pose mak sekretariu jéral MAP Cesar, José da Cruz, diretór jéral agrikultura, Deolindo da Silva, diretór jéral pekuaria no veternaria, Antoninho do Carmo, diretór jéral ba peskas, Acácio Guterres, inklui diretór nasionál, kordenadór delegasaun rejionál ho direitór munisipiu sira hamutuk 40.
Entretantu, sira ne’ebé hetan suspensaun mak eis diretór jéral MAP, Lorenço Fontes, eis diretór pekuaria Januario Marçal, diretór jéral peskas, Tarcisio Amaral, direitór nasionál ortikultura, Gil Rangel, diretór nasionál aprovizionamentu, Regina Hornay, diretór nasionál pekuaria, Calistro, no diretór nasionál komersiu, Mariano Malik.
“Strutura foun laiha kór polítiku. Tan ne’e, husu ba strutura tuan sira hetan suspende atu fó nafatin apoiu hodi dezenvolve MAP ba oin, tan imi sei kontinua servisu iha MAP”, Estanislau Aleixo da Silva hatete iha serimonia tomada de posse, Kuarta, (4/11) iha salaun MAP Komoro.
Agora, ho mudansa sira ne’ebé akontese la’os buat kontenti ida. Maibé, ida ne’e hanesan dezafiu hodi hala’o kna’ar hanesan atan, hodi servi povo agrikultór sira iha baze, nune’e bele hatan ba nesesidade povo, espesialmente hametin soberanu nasaun.
Aliende ne’e, sira ne’ebé hetan suspensaun, sai notas importante ba strutura foun, para halo servisu di’ak liu tan, hodi labele hamosu fali irregularidade ne’ebé akontese ona. Ita Hein. (*)
Tidak ada komentar:
Posting Komentar